Vajza e këngëtares së njohur Eli Fara, ka qenë jo rrallë herë e përfolur në media. Bukuroshja Marina para disa kohësh i dha fund fejesës së saj me një biznesmen, vetëm pak ditë pasi e kishin shpallur zyrtarisht fejesën.
Por megjithatë kjo gjë duket se ka mbetur në të kaluarën. Nuk dihet nëse është në një lidhje të re pasi ajo nuk e ka pranuar një gjë të tillë, por Marina është fotografuar me futbollistin e njohur të ekipit të Tiranës, Albi Doka.
Ka qenë vetë mbrojtësi 19-vjeçar i Tiranës që i ka publikuar këto fotografi në rrjete sociale. Të gjithë menduan se dyshja ishte në një lidhje.
Vetë Marina, duke u bezdisur nga titujt e portaleve, ka reaguar me një status në “Instagram” duke zbuluar edhe lidhjen qe ekziston mes saj dhe futbollistit të njohur.
“Është e pa besueshme si disa portale dhe gazeta pa pyetur askënd për lidhjen që mund të ekzistojë mes personave, edhe miqtë e familjes t’i kthejnë në partnerë!”, shkroi Marina.
