Marina Vjollca dhe Getoar Selimi duket se e kanë marrë shumë seriozisht bashkëjetesën! Një ndër çiftet më të dashur të ekranit shqiptar janë përkushtuar së bashku për jetesën e tyre në një shtëpi dhe për mirëqenien.
Moderatorja dhe reperi nga Kosova u dalluan pasditen e djeshme, rreth orës 17.00 të së mërkurës, në një prej dyqaneve të Qendrës Metropol.
Në fotot e siguruara nga “Iconstyle” dallohet dyshja, ndërsa bëjnë “shopping” në një prej dyqaneve që ofrojnë gjëra për shtëpinë, ndodhur në rrugën “Sami Frashëri”, një prej zonave më të njohura të Tiranës.
Sipas burimeve të “Iconstyle”, Marina dhe Getoari blenë në dyqan një prej pajisjeve për shtrydhjen e frutave dhe perimeve. Ndërsa biseduan me punonjësit e dyqanit, çifti duket se zgjodhi që shikonte vetë nga afër atë për të cilin ishin të interesuar, pavarësisht se mund ta porosisnin nga telefoni.
Të dy ishin veshur në mënyrë sportive dhe të thjeshtë. Reperi Getoari ishte i veshur i gjithi me të zeza, ndërsa si aksesor mbante një çantë me rrip të gjatë të “Louis Vuitton”, e cila ka një çmim rreth 1.560 dollarë.
Ndërsa Marina kishte kombinuar xhinse me këpucë të sheshta dhe jelek të gjatë, si aksesor moderatorja mbante një kapelë lëkure kafe, si dhe për të fshehur fytyrën.
Paraqitja e tyre vjen pas lajmeve të mediave rozë se çifti po planifikon ceremoninë martesore më 16 dhjetor.
Burimi: Iconstyle
