Maradona i ka thënë fund zënkave brenda familjes së tij. Ylli i futbollit u dorëzua pas viteve të gjata me sherre, akuza, fyerje e madje edhe procese të gjata gjyqësore.
Ai njohu më së fundi djalin e tij, Diego Armando Maradona Jr.
Lajmi është publikuar në mediat italiane dhe spanjolle dhe është cilësuar si përqafimi i munguar 29vjecar.
Diego Jr iu përgjigj të atit lidhur me takimin, “Më thuaj ku dhe kur, do të jem atje”. Gjatë takimit ishte e pranishme edhe gruaja Nunzia.
Diego Armando Maradona Jr e shprehu kështu emocionin e takimit mallëngjyes me të atin: “Jam i lumtur, ishte një gjë që luftova për vite. Jam shumë i lumtur që ndodhi. Ato që thamë do të mbeten me meje dhe atij. Jemi shumë të gëzuar që arritëm të komunikonim dhe që kemi një raport normal mes babai dhe djalit”.
“Ti je im bir”, mësohet t’i ketë thënë ai djalit të vet, lindur nga dashuria me një grua italiane, shumë vite më parë.
*Shfleto galerinë
Burimi: Corriere dello Sport
