Blerta Pocesta vendosi t’i japë fund jetës të së atit Amid Pocesta, 55-vjeç, nënës Nazmije, 53-vjeçe dhe motrës së vogël, 13-vjeç Anila, në orët e para të mëngjesit të 27 gushtit.
Për policinë e Maqedonisë, 28-vjeçarja pranoi se e kishte organizuar vrasjen e trefishtë, por se nuk ka qëlluar mbi viktimat.
Burime për gazetën “Koha” tregojnë se përpara trupit gjykues, ajo është shprehur se organizoi krimin e rëndë, pasi familjarët e saj e kanë penguar të martohet me të dashurin e saj, i cili është shtetas italian.
“E akuzuara ka pranuar se vrasjen e organizuar pikërisht ajo, por jo edhe ekzekutimin. Po hetohet pistoleta, e cila ishte blerë nga Ferdi G. 33-vjeçar nga Gostivari, ndërsa ishte në pronësi të dajës së tij, Veap M. 66-vjeçar nga Dibra, gjithashtu i akuzuar në këtë vrasje të trefishtë. Arsyetimi i 28-vjeçares para punonjësve të policisë ka qenë se, prindërit e kanë penguar të martohet me një italian”, shprehen zyrtarët e Policisë.
“Alsat” raporton se Blerta ka shkuar në Shkup dhe menjëherë ka blerë një numër të ri telefoni me të cilin ka kontaktuar F.G, 31 vjeç nga Gostivari. Me të është takuar në stacionin e autobusëve në Gostivar. 31-vjeçari ka përfshirë edhe dajën e tij, V.K, 61-vjeçar nga Dibra i cili ka siguruar pistoletën, për një shumë prej 400 eurosh. Pasi ka ndenjur përkohësisht në një hotel në Strugë, vajza ka shkuar në Dibër tek familja, së bashku me 31-vjeçarin nga Gostivari. Dhe ka qënë ky i fundit që ka qëlluar mbi tre anëtarët e familjes.
