E pranojmë dhe e kemi parë kudo, “logo mania” është rikthyer sërish. Shtëpitë më të njohura të modës, vitet e fundit kanë nisur që të bëjnë sa më të dukshme logon që i personifikon, por njëkohësisht duke gjetur mënyra nga më kreativet.
Personazhet e njohur në të gjithë botën, rrallë shihen pa ndonjë çantë apo akseosrë, që nuk mbanë logon e markës e cila e ka krijuar.
Këto syzet e guximshme janë kaq të dukshme që i përkasin “Dolce & Gabbana”-s, sa i shtohen menjëherë trendit.
Me syzet e mëdha të diellit i përkasin koleksionit pranverë/verë 2018 pozoi edhe Aurela Hoxha. Syzet që mban fashionistja shqiptare janë të zbukuruara me kristale, të cilat formojnë edhe inicialet e markës.
Për herë të parë me to u shfaq Rihanna, në nëntor të vitit të kaluar, fill pas prezantimit të koleksionit.
Në atë kohë vetëm këngëtarja me famë botërore mund të shfaqej me një aksesor që sapo ishte publikuar, ndërsa të tjerët duhet të prisnin ardhjen e sezonit.
Tani të gjithë mund t’i përvetësojnë syzet, që mban dhe Aurela Hoxha, por duhet të paguajnë plot 950 euro.
Jeni gati?
