Shtëpia e njohur italiane e modës “Dolce & Gabbana” ishte e para që ktheu vëmendjen te diçka më modeste, duke prezantuar koleksionin e parë për femrat myslimane, që përfshijnë veshjet e jashtme pa mëngë, të lirshme, të gjata dhe ferexhetë.
Pas saj, tashmë edhe “Mango” ka vendosur të nxjerrë një linjë veshjesh dedikuar femrave myslimane.
“Mango” do të prezantojë këtë linjë të re për muajin e Ramazanit, që nis në javën e parë të qershorit.
“Globalizimi i koleksioneve tona është një pjesë e zhvillimit të biznesit që marka jonë po e aplikon në tregje të ndryshme prej 10 vitesh tashmë”, thotë një zëdhënës i markës spanjolle. Kjo gjë duket se vjen pasi kërkesa për modën myslimane është në rritje çdo vit.
Burimi: Harper’s Bazaar
