Ministrja e Shëndetësisë Ogerta Manastirliu ka bërë thirrje të veçantë për të rinjtë shqiptarë, që të tregohen më të kujdesshëm ndaj virusit COVID-19.
Në një njoftim këtë të shtunë, Manastirliu tregon se ka shumë të rinj që po trajtohen në spital me simptoma të rënda.
Sipas ministres, virusi nuk bën dallime moshe ndaj ajo bën apel të respektohen rregullat e distancimit social dhe vendosjes së maskës.
“Sot në spitalin Infektiv mes qytetarëve të shtruar, ka të rinj që po trajtohen për simptoma të rënda të shkaktuara si pasojë e COVID19, sepse virusi nuk bën dallim moshe. Sot, ka shumë të rinj që me kontaktet e shpeshta me njëri-tjetrin, pa i respektuar rregullat, rrisin mundësinë e përhapjes së infeksionit dhe e përcjellin atë tek prindërit, gjyshërit, duke i vënë ata në rrezik serioz! Vetëm me kontributin e të rinjve, për të marrë përgjegjësi individuale në këtë kohë të pazakontë, përhapja e coronavirusit të rrezikshëm mund të frenohet!, thotë Ogerta.
Ndaj ministrja apelon:
Vendose maskën
Ruaj distancën
Laj shpesh duart
#RuajVeten #RuajTëTjerët.
