Një djalë 5-vjeçar që vuante nga kanceri, ka ndërruar jetë në krahët e nënës së tij, pasi i kërkoi falje të ëmës për vuajtjen e tmerrshme që sëmundja kishte sjellë në familjen e tij.
Mjekët i dhanë vogëlushit Charlie Proctor vetëm pak ditë për të jetuar muajin e kaluar, pasi u diagnostikua me një formë të rrallë të kancerit të mëlçisë në 2016-n.
Prindërit e tij Amber Schofield, 24 vjec dhe Ben Proctor u përpoqën me dëshpërim të mbledhin para të mjaftueshme për t’i mundësuar atij një transplant të organeve në SHBA – por arritën të mblidhnin më pak se gjysma e 855,580 paundëve që kishin nevojë.
5-vjeçari vdiq në krahët e nënës së tij të shtunën mbrëma, pasi i tha asaj: ‘Mami, më vjen keq për këtë’.
“Ai mbylli sytë në mënyrë paqësore i përqafuar nga krahët e mi dhe të babit. Zemrat tona po vuajnë. Bota ka humbur një djalë të vogël të pabesueshëm. Charlie ti më dhe një shans që të jem nënë. Ke qenë jo vetëm frymëzimi ynë më i madh, por një frymëzim për mijëra njerëz në të gjithë botën. Më tregove se çfarë do të thotë dashuri, Charlie. Tani është koha për të fluturuar, unë jam aq krenare për ty”, shkroi e ëma.
Ajo postoi një fotografi të djalit të saj të vogël me krahë engjëlli për të dhënë lajmin e keq për vdekjen tragjike që preku me mijëra njerëz që e kanë ndjekur historinë e tij gjatë fundjavës – duke përfshirë edhe këngëtaren Pink.
