Luiza Gega, kampionia e pistave, dhe trajneri i saj, Taulant Stërmasi, ishin të ftuar në emisionin “Rudina”. Nga fillimi i lidhjes, te propozimi për martesë, e deri te planet për dasmën Gega dhe Stërmasi zbulojnë anën e tyre më personale dhe ndajnë për herë të parë detaje që do t’i bëjnë lexuesit të ndihen më pranë tyre se kurrë më parë.
Biseda ne studio:
Rudina Magjistari: Është një kombinim i juaji jo vetëm profesional. Është folur dhe tashmë dihet që mes jush ka një raport përtej profesionit dhe miqësisë. Çfarë mund të themi në këtë rast, sepse ju e dini që jeni një nga çiftet më të përfolur dhe që ka më shumë kuriozitet.
Luiza Gega: Kjo ka ardhur vonë, ndoshta nga viti 2019, nuk është se e di fiks.
Taulant Stërmasi: Ne kemi punuar shumë, kemi qenë një grup shumë i madh, por që të arrish objektivat e mëdha duhet të jesh shumë afër. Sigurisht që përtej pjesës së sportit lidhet dhe pjesa e ndjenjave të secilit. Ka diçka, që kombinimi i të dyjave bëri që Luiza në dy vitet e fundit të kishte rezultate shumë të larta. Nuk ka lidhje me pjesën e medaljes, por më shumë me pjesën e të lidhur dhe të të kuptuarit gjerave bashkë.
Rudina Magjistari: E ka ndikuar në një frymëzim më shumë.
Taulant Stërmasi: Nëse unë si trajner dhe si njeri investohem shumë te partneri edhe partneri ndoshta ka detyrimin, duket sikur do ta kthejë. Është një motiv më tepër. Kam dëgjuar Luizën që ka thënë që dua të dal më mirë edhe prej arsyes sime.
Rudina Magjistari: Pra ju keni që në 2019-2020 që jeni si një çift së bashku, çift së bashku, çfarë dhe të dimë më tepër lidhur me raportin tuaj?
Taulant Stërmasi: Ne jetojmë bashkë!
Rudina Magjistari:A ka ndonjë plan për ju, besoj se është koha më e mirë për të marrë vendime.
Taulant Stërmasi: Disa gjëra vijnë vetvetiu dhe janë gjëra normale të një çifti normal. Kështu që disa gjëra janë rrugës dhe do shohim.
Luiza Gega: Unë vetë vij nga një familje e madhe dhe nuk e shikoj dot veten time pa krijimin e një familjeje, sepse i dashuroj fëmijët. Por, arsyeja pse unë kam folur për raportin është se nuk doja që t’i jepja vëmendje kësaj gjëje më shumë se sa asaj që unë bëja dhe përpiqesha. Mendoja që do vinte momenti i duhur.
Rudina Magjistari: Kur do të vijë momenti që t’ia bësh propozimin Luizës?
Taulant Stërmasi: Unë propozimin ia kam bërë, por ju nuk e keni marrë vesh.
Luiza Gega: Ne kemi një vit që e kemi bërë familjare, kemi bërë fejesën. Ne jemi një familje tradicionale, mami insistonte shumë dhe e bëmë edhe për t’iu bërë qejfin prindërve.
Rudina Magjistari:Kur do të jetë dasmë?
Taulant Stërmasi: Dasmë do të ketë me patjetër, por jo tani afër.
Kujtojmë se kohë më parë, dyshja kishte vendosur ta mbante lidhjen e tyre private, duke mos ndarë detaje me publikun apo median. Në vitin 2023, atletja e njohur Luiza Gega foli për herë të parë në lidhje me shkëputjen profesionale nga ish-trajneri i saj, Taulant Stërmasi, duke theksuar se ruan respekt të madh për të, por shtoi se tashmë ai ndodhet në një pozicion të ri, ku mund të ndihmojë më mirë Federatën Shqiptare të Atletikës.
Megjithatë, deklarata që tronditi publikun ishte ajo e ish-kampiones Klodiana Shala, e cila zbuloi publikisht se partneri i saj ndodhej në krah të Luizës. Fjalët e saj u shpërndanë me shpejtësi në rrjetet sociale, duke ndezur debate dhe komente të shumta. Ky zbulim nuk u prit mirë nga vetë Luiza, e cila në atë kohë reagoi duke theksuar se jeta e saj private nuk është për t’u bërë pjesë e diskutimeve publike.
“Nuk asgjë për të thënë, sinqerisht jam kaq shumë në fokus te punët e mia. Nuk është se çuditem nga asgjë që thotë Klodi, pasi gjithmonë do gjejë diçka viktimizuese për të pasur pak vëmendje. Mund të them vetëm kaq: Kurrë po kurrë, jo vetëm Klodit, por askujt jo t’i kem bërë keq, por as s’e kam çuar nëpër mendje. S’kam pasur kurrë konflikt, me Klodin jo e jo, por me asnjë. Ajo që më bën përshtypje është që Klodi flet akoma për një histori të mbyllur më shumë se para 10 vitesh dhe për mbajtje me bukë që u ka bërë njerëzve, nuk është aspak e vërtetë. Por dhe sikur të jetë, më duket shumë gjë e ulët ta përmendësh. Gjithsesi, nga Klodi dëgjoj kaq shumë gjëra dhe asgjë s’të bën më përshtypje asgjë”
