Mbrëmjen e së shtunës, çeli siparin sezoni i dytë i emisionit “Shiko Kush Luan” nën drejtimin e Luana Vjollcës në televizionin “Top Channel”. Një ndër rubrikat më pikante të emisionit është edhe ajo që titullohet “Haje ose ndaje”, ku të ftuarit së bashku me Luanën duhet të zgjedhin të përgjigjen apo të provojnë ushqime jo të zakonshme.
Ishte Eneda Tarifa, ajo që i drejtoi pyetjen e rradhës Luanës, ku kërkonte të mësonte se cilat ishin dhuratat që moderatorja mori për ditëlindje dhe më specifikisht, se kush ia bëri këto dhurata.
Dhe Luana, nuk preferon të ndajë aspak informacione të jetës së saj private në media, kështu që zgjodhi të pinte tabasko, e jo të përgjigjej. Madje, ky moment nuk qenka as i preferuari i nënës së moderatores, e cila nuk kupton përse e bija duhet të marrë pjesë në lojë.
“Mami im e urren këtë moment. Momentin kur unë ulem me ju në ‘Ndaje ose haje’ [dhe më thotë] ‘po ti s’merr pikë aty, pse duhet të ulesh?’” – tha Luana duke e kaluar me shumë lezet shijen e mos përgjigjes së pyetjes.
Dhe në fund të fundit mirë e ka, përse duhet të bëhet “kurban” Luana?
Burimi: Anabel.al
