Sara Hoxha dhe Ledion Liço u bekuan 1 vit më parë me një fëmijë të dytë. Dyshja e njohur u bënë sërish prindër të një djali, të cilin e pagëzuan me emrin Roman.
Deri më sot nuk kemi parë asnjë foto të portretit të vogëlushit, mirëpo familjarët e tij kujdesen që të publikojnë gjithmonë disa nga çastet më të veçanta me të.
Ndërkohë Lori Hoxha na ka treguar se është teze shembullore dhe shpesh ndan në rrjetet sociale momente me dy nipërit e saj London e Roman.
Blogerja e njohur duket se kalon goxha kohë me ta dhe e shijon tepër ndjesinë e të qenurit teze.
Dhe si një nga blogeret më të mira shqiptare, Lori kujdeset edhe për veshjen e tyre, madje shpesh vishen edhe me kombinime.
Ka qenë mami Sara ajo që ka ndarë një foto të Lorit dhe Roman, që kanë veshur atlete duke u bërë matchy-matchy, teksa ka shkruar krah fotos me nota humori:
Matching me tezen se mami i ka lënë këto gjërat e modës!
Sigurisht që edhe në këtë rast Sara është kujdesur që fytyra e të voglit mos të dallohet, megjithatë sërish kjo mbetet një nga fotot më të ëmbla me të.
Ndërkohë, nuk kanë vepruar njësoj me Londonin, 4 vjeç tashmë, që na e kanë prezantuar që kur ishte fare i vogël.
