Në mungesë të dyqaneve të markave cilësore, të njohura apo luksoze në Shqipëri, shumë persona u drejtohen dyqaneve online. Ky fenomen ka arritur që të përhapet me shpejtësi, ndërsa është bërë një mënyrë shumë e shpejt dhe komode për klientët që të marrin atë që dëshirojnë.
Por para se të bëni një blerje të një veshje të shtëpive të mëdha të modës, interesohuni nga ato më parë në internet. Luksi i internetit iu lejon që të zbuloni menjëherë nëse produkti që do të blini është origjinal apo një imitim.
Disa faqe në “Instagram” janë vetëshpallur si dyqane që shesin veshje dhe aksesorë të markave të shtrenjta dhe luksoze. Pavarësisht kësaj, këpucët dhe çantat që ata i vënë në shitje nuk janë origjinale. Nëse dallimi nuk mund ta vini re tek fotot, pasi drejtuesit e faqeve kanë publikuar fotot origjinale, mund ta kuptoni këtë rreng nga çmimi.
Rasti konkret janë çizmet Stuart Weitzman, që faqja i vë në dispozicion për një vlerë prej 115 dhe 128 euro, por në faqen zyrtare të shtëpisë së modës këto çizme kushtojnë 545 dhe 798 euro.
Gjysmë-çizmet “Dolce&Gabanna” një dyqan online i vë në shitje për 135 euro, ndërkohë që këpucët origjinale në faqen zyrtare të markës italiane i gjeni për 875 paund.
Dallimi vihet re dhe te këpucët e njohura Gucci që kushtojnë 750 dollarë, por një imitim të këtyre këpucëve një dyqan online i shet për 118 euro. Të njëjtën mashtrim do ta dalloni edhe te disa aksesorë të tjerë, të cilët shiten për origjinale.
*Shfleto galerinë
Burimi: Iconstyle
