Ai është një legjendë futbolli, i njohur për bamirësitë dhe një baba i devotshëm për 4 fëmijët e tij. Tashmë David Beckham ka treguar mbështetjen e tij në luftën kundër malaries, në realizimin e një fushate botërore, duke theksuar se qindra njerëz vdesin nga sëmundja më e vjetër në botë, e cila mund të parandalohet shumë thjeshtë.
Regjisori i filmit “Gladiator”, Ridley Scott, realizoi një video në lidhje me këtë temë, ku David Beckham është i mbyllur në një kuti qelqi dhe duket sikur po pickohet nga 10.000 mushkonja.
Videoja është pjesë e kësaj fushate që, quhet “Malaria duhet të vdesë, që miliona të jetojnë”.
“Prindërit që kanë humbur fëmijët e tyre, dhimbja më e madhe, që mund të parandalohej. Si një baba, nuk mund ta imagjinoj, që të jetoj me dijen se fëmija juaj mund të marrë një sëmundje vdekjeprurëse, brenda natës. Realiteti i vënies së fëmijëve në gjumë duke ditur se, kur të zgjohen mund të jenë infektuar, nga një pickim i vetëm, duhet të jetë shumë stresues”, shprehet Beckham.
Burimi: Daily Mail
