Në prill të vitit 2018, Beyonce u rikthye për herë të parë në skenë në festivalin Coachella pas lindjes së vështirë të binjakëve Rumi dhe Sir, duke i lënë të gjithë pa fjalë jo vetëm me performancën mberësëlënëse, por edhe me fizikun e saj të hatashëm.
Por pas paraqitjes fantastike të divës së muzikës, paska patur një punë kolosale të cilën Beyonce e ka zbuluar vetëm tani.
Në një video promovuese për një dietë të quajtur 22 Days Nutrition, ylli i hitit “Spirit” rrëfen se në ditën e parë të provave për festivalin Coachella, peshonte plot 80 kg.
“Makthi i gjithëkujt!”-shprehet ajo në video teksa sheh shifrën në peshore. Më tej shpjegohet se këngëtarja ndoqi për 44 ditë dietën bimore në fjalë, duke eleminuar tërësisht ushqimet e procesuara, të kombinuar sigurisht dhe me një stërvitje intensive.“Isha një grua që ndihej sikur trupi i saj nuk ishte i veti.”-thotë Beyonce teksa në imazhe shfaqet ajo duke u stërvitur së bashku me balerinët.
Në video ajo rrëfen më tej se kishte qenë shumë më e thjeshtë të humbte kilogramët e shtatzënisë, sesa të rikthehej në formë, derisa në ditët e fundit, Bey tregon me lumturi se më në fund mund të vishte kostumin e Wonder Woman me të cilin shkëlqeu në skenën e Coachella-s.
