Të paktën 25 persona kanë vdekur si pasojë e një zjarri në një bar në Meksikë, për të cilin policia thotë se ishte vendosur qëllimisht nga anëtarët e një bande.
Deri më tani policia raporton edhe për 11 të plagosur rëndë, të cilët rrezikojnë jetën.
Ngjarja e rëndë ka ndodhur në një lokal të quajtur “Caballo Blanco” (Kali i Bardhë) në Coatzacoalcos, një qytet-port në Veracruz.
Dëshmitarët kanë treguar se autorët e ngjarjes së rëndë si fillim bllokuan daljet e lokalit dhe më pas i vunë zjarrin.
Autorët janë larguar menjëherë nga vendi i ngjarjes dhe deri tani është një person i dyshuar.
Bëhet fjalë për La Loco ( I çmenduri), i cili ishte liruar nga burgu vetëm dy ditë më parë.
