Ndodh për herë të parë! Ky është televizioni me më shumë të ardhura në Shqipëri

Gjithmonë ka ekzistuar një garë e fortë midis dy televizioneve më të mëdha në Shqipëri, “Top Channel” dhe “TV Klan”.

Programacioni i larmishëm dhe emisionet e ngjashme i kanë vënë këta dy televizione përballë njëri-tjetrit dhe prej kohësh “Top Channel” ka triumfuar.

Lexo edhe :

Filmi “Odisea” i Christopher Nolan rikthen Homerin në modë, shitjet e librave rriten me 1.400% dhe Shqipëria bëhet pjesë e historisë

12:35 30/07/26

“Çdo ditë zgjohesha me frikë”/ Nara Smith rrëfen ankthin e fshehjes së diagnozës së kancerit të vajzës: Kisha tmerr se do të zbulohej në internet

22:11 29/07/26

Megjithatë duket se rezultati është përmbysur dhe “Lapsi.al” shkruan se pas rezultateve të vitit 2018 “Tv Klan” shpallet televizioni më i madh në Shqipëri.

Rezultatet tregojnë se të ardhurat e tij janë rritur më 12% dhe kanë kapur shifrën 1.46 miliardë lekë (rreth 11.7 milionë euro).

Ndërkohë “Top Channel” ka një rritje prej 0.6% me të ardhura totale prej 1.37 miliardë lekësh (rreth 11 milionë euro).

Televizioni i tretë më i madh në vend, Vizion Plus kishte një qarkullim vjetor prej rreth 435 milionë lekësh (3.5 milionë euro), me rritje prej 8.7%.

“Tv Klan” rezulton si televizioni më fitimprurës në vend. Në 2018-n realizoi fitime para taksave prej rreth 1.5 milionë eurosh (në rënie të lehtë në raport me vitin e mëparshëm). “Top Channel” ka arritur të katërfishojë fitimet në 2018-n, por në nivelin e rreth 180 mijë eurove mbeten shumë më të ulëta se të ‘Klan’. (‘Klan’ kishte një normë fitimi prej 13.5%, përkundrejt 1.6% të ‘Top’).