9 turistë polakë kanë shpëtuar për mrekulli pasi makina me të cilën ata po ktheheshin nga plazhi i Bizës në Gjirin e Lalzit ka dalë nga rruga dhe ka përfunduar rreth 30 metra në greminë.
Aksidenti ndodhi pasditen e djeshme rreth orës 18:00 në fshatin Bizë të Ishmit. Report Tv ka siguruar pamjet e momentit kur makina është nxjerrë nga gremina ku përfundoi.
Të plagosurit janë dërguar në spitalin e Durrësit dhe pas kontrolleve janë larguar pa rrezik për jetën. Sipas policisë aksidenti ndodhi për shkak të një pakujdesie nga ana e drejtuesit të mjetit si pasojë e mos njohjes së terrenit nga turistët polakë.
