Majlinda, Ornela dhe Rovena janë tre vajzat e familjes Bregu, dy prej tyre të njohura. Majlinda Bregu një politikane dhe ish-ministre e Integrimit, ndërsa Ornela Bregu një moderatore e njohur. Kjo e fundit ka postuar një foto familjare të vitit të largët 1995, së bashku me prindërit dhe dy motrat, Majlinda dhe Rovena.
“Gusht 95! Kur rriteshim në sytë e prindërve dhe flinim afër njëra-tjetrës. Familja është aty ku jeta fillon dhe dashuria kurrë s’mbaron”, shkruan Ornela në këtë foto pa e fshehur mallin dhe nostalgjinë për kohët e vjetra.
Ndërsa foto është realizuar në muajin gusht, nuk është aspak e habitshme ngjyra e bronztë e lëkurës së tri motrave.
Në këtë foto mund të dallojmë me lehtësi se kush janë 3 motrat, ndërsa ndryshimin më të madh në paraqitje duket se e ka Ornela, me flokët e shkurtër.
Në komentet për foton, Ornela shkruan se ndodheshin pothuajse në të njëjtën moshë me vajzat e tyre sot. Dhe komenti fitues është: “Kjo Majlinda gjithmonë IN me modën!”.
