Majlinda Bregu ka folur për herë të parë për pasionin e vajzës së saj për modeling. Politikania ishte e ftuar dje në emisionin “Pasdite në Top Channel”, ku foli edhe për emocionet që përjetoi kur e pa në pasarelë si nuse.
“Modelimi nuk ka asnjë lidhje më Kejdën. Me zor iu mbush mendja të shkonte, por unë nuk ndikova fare. Kejda është me provime tani dhe do vazhdojë të merret me universitetin. Unë isha e emocionuar. Kisha sikletin se mos pengohej, por ajo ia doli”, tha Majlinda.
Gjithashtu deputetja Bregu ka pohuar se vajza e saj është thuajse si ajo e vogël, Madje i duket sikur kur flet me të ka përballë ‘Majlindën e vogël’. Zonja Bregu ka dhënë dhe një mesazh për të gjithë prindërit duke pohuar se liria është dhurata më e bukur që mund t’u bëhet fëmijëve.
