Lidhja e reperit Majk me Majlinda Zekën ka qenë një nga më të komentuarat. Shtuar kësaj edhe faktin se reperi u bë baba për herë të parë.
Majlinda, e cila mori famë pas lidhjes me Majk, qëndroi e hapur me publikun lidhur me shtatzëninë dhe sjelljen në jetë të fëmijës së saj të parë, djalin Roan, pas ndarjes.
Pak ditë më parë reperi shtoi në profilin e tij në “Instagram”, shkronjën R duke iu referuar të birit.
Ndërsa ditën e djeshme duket se pati takimin e parë me Roanin. Majk surprizoi të gjithë ndjekësit e tij në “Instagram” pasi publikoi fotot të të birit, duke konfirmuar se ai është djali i tij. “Roani i vogël mund të bëjë kosh”, shkruan reperi në foton e publikuar, ku dallohet edhe një top basketbolli.
Reperi duket se i ka idetë e qarta për të ardhshmen e djalit të tij, pasi dhurata e tij (me siguri e para) është një palë atlete basketbolli për foshnjën.
Majk duket se dëshiron që djali të marrë një rrugë tjetër me të tijën, muzikën dhe t’i fokusohet sportit të basketbollit. Ndoshta kjo lidhet me një dëshirë të reperit, por Roani mund të jetë një basketbollist i ardhshëm.
Burimi: Instagram
