Publikimi i këngës “Dashni” e Majkut me siguri që ju ka bërë të mendoni: Sa shumë ngjashmëri që ka me këngëtarin Maitre Gims.
Më pas të gjithë u befasun kur Maitre Gims zgjodhi Majkun për të ndarë skenën, teksa këndonin live në një nga lokalet e Tiranës. Të gjithë filluan të flisnin për një bashkëpunim mes tyre, por me sa duket këtyre thashethemeve u ka ardhur fundi.
Për këtë është pyetur vetë këngëtari Majk, i cili në një intervistë për “Prive” ka thënë se është në komunikim të vazhdueshëm me Maitre dhe vëllanë e tij.
“Ka diçka të menduar por ende një gjë konkrete. Jam në kontakt të vazhdueshëm me të dhe vëllanë e tij. Komunikojmë gjatë gjithë kohës duke i çuar njëri-tjetrit këngë dhe fotografi në “Snapchat”. Më shkruan dhe i shkruaj, mendoj se shkon mirë”, është shprehur ai.
Majk është duke shijuar suksesin e këngës “Ajo”, megjithatë të gjithë jemi në pritje të një klipi të ri, ndoshta jashtë shtëpisë diskografike “Babastars”.
