Edhe vetëm janë shumë të suksesshëm, por bashkë Majk dhe Getoar Selimi janë një sensacion i vërtetë.
Mjafton të kujtojmë hite si “S’jena mo”, “Ajo” apo “Malena” dhe të gjithë e dimë kiminë që ka dyshja në bashkëpunime, të cilat gjithmonë janë hiti i verës.
Si duket këtë verë nuk do të jetë kështu, shumë thjesht sepse nuk ka (akoma të paktën) një bashkëpunim mes tyre. Ndryshe nga vitet paraardhëse, si Majk dhe Getoari nuk kanë paralajmëruar asnjë projekt të përbashkët. Dhe kjo jo pa arsye.
‘Prive’ raporton se prej disa kohësh ka një ftohje mes artistëve. Majk kohët e fundit po merret vetë me karrierën e tij, përfshirë bashkëpunëtorët dhe datat e koncerteve, detaje për të cilat ka vepruar dikur në koordinim me Getoarin.
Megjithatë, theksohet se mes tyre nuk ka pasur ndonjë sherr apo problem. Thjesht kanë vendosur të jetë artistikisht të distancuar dhe jo më si një dyshe e pandarë siç kanë qenë këto vite.
