Kanye West duket se është magnet për telashe.
Përpos gjithë humbjeve që ka përjetuar deri më tani, së fundmi ai po përballet me një tjetër problem.
Kompania e tij “Yeezy” do të dëbohet nga zyrat e saj në Los Angeles. Shkaku? Mospagimi i qerasë.
Sipas Gazetës Nation, West i detyrohet dy muaj qira për 63,254 dollarë.
CT Calabasas, e cila zotëron ndërtesën e zyrës, i kërkoi reperit të paguaj plotësisht faturën brenda 72 orëve nga njoftimi ose do i duhet të largohet.
Në njoftimin e tyre thuhet: “Brenda tre ditëve të shërbimit të këtij njoftimi, ju duhet të paguani plotësisht shumën e qirasë në fjalë ose të lironi ambientet e përmendura dhe t’ia dorëzoni posedimin agjentit të autorizuar për qiradhënësin tuaj. Nëse nuk paguani, kundër jush do të fillohet procedimi ligjor për posedim të objektit, konfiskimin e qirasë dhe për dëmshpërblim parash siç lejohet me ligj. Njoftoheni më tej se, me këtë njoftim, qiradhënësi zgjedh të deklarojë qiranë e përmendur të konfiskuar nëse qiraja nuk paguhet plotësisht brenda tri (3) ditëve.”
Kujtojmë se Kanye ka marrëdhënie të prishura me Adidas, Balenciaga dhe disa nga miqtë e tij më të afërt; ai madje humbi një diplomë nderi.
Më herët ai u shpall edhe “Antisemiti i Vitit”.
