Duket se çdo ditë të vitit, mësojmë një recetë të re që mund ta përgatisim në shtëpi, për të trajtuar veten sikur të jemi në një spa. Së fundmi, “Cosmopolitan” ka zbulur një vlogere në rrjetet sociale, e cila ka shpikur metodën më të re për t’u depiluar! Pikërisht, me pastën e dhëmbëve.
Madina Shrienzada, një vloggere bukurie, e cila në profilin e saj në “Instagram”, ka publikuar një video ku shfaqet duke hequr qimet në pjesën e krahut, duke përdorur asgjë tjetër, veçse pastë dhëmbësh dhe shafran. Ajo thjesht bëri bashkë këto dy përbërës në një tas, duke i përzier dhe masën e përgatitur e vendosi në krah. Pasi e masazhoi mirë derisa u tha, ajo e hoqi masën e përgatitur dhe funksionoi!
Po, jemi aq të shokuar sa edhe ju.
Sipas, Shrienzada shafrani shërben për të qetësuar lëkurën, ndërsa pasta e dhëmbëve për të hequr qimet.
Por për dermatologen kjo formulë nuk është shumë e besueshme, pasi pasta e dhëmbëve irriton shumë lëkurën.
