Ermonela Jaho ka marrë surprizën më të bukur për ditëlindje, që e përloti në skenën e Teatrit Real në Madrid.
Teksa sopanoja shqiptare përfundoi interpretimin e saj në rolin e Madame Butterfly të Puccini-t, bashkë me artistët e tjerë ajo nisi të përshëndeste publikun.
Por në sfond u dëgjua kënga e ditëlindjes dhe e emocionuar përballë duartrokitjeve të qindra njerëzve, Jaho nuk ka mundur t’i mbajë dot lotët dhe plot modesti i ka falënderuar ata me përulje.
Përpos videos që llogaria zyrtare e Teatrit Real ka postuar në “Twitter” ku duken momentet e shkëputura nga surpriza, pak orë më parë ata e kanë uruar gjithashtu në shqip, duke treguar dhe njëherë adhurimin dhe dashurinë që njerëzit kanë për figurën e saj, si artiste dhe si një grua që s’hoqi dorë nga ëndrrat.
Una sorpresa para @ErmonelaJaho al terminar #MadamaButterflyTR: ¡la orquesta, el reparto y toda la sala le han cantado el Cumpleaños feliz! pic.twitter.com/ZeXshoHLJ7
— Teatro Real (@Teatro_Real) July 19, 2017
