Madonna-s i ndodhi një tjetër incident në skenën natën e kaluar, pas asaj të ndodhur gjatë një koncerti ku këngëtarja e dehur kërkonte ndihme. Gjatë turit “Rebel Heart”, mbretëresha e muzikës Pop u ndal në Brisbane, të Australisë.
Artistja ftoi një prej fanseve të saj të ngjitej në skenë. Kur vajza, e identifikuar si një adoleshente 17-vjeçare, iu bashkua asaj në skenë, Madonna tha: “Kjo është tipi i vajzës që do të dëshiroje ta qëlloje me shuplaka në prapanicë”.
57-vjeçarja i tërhoqi adoleshentes Josephine Georgiou bustin që kishte veshur, duke i ekspozuar gjoksin para mijëra fansave. “Oh dreq. Ndjesë! Ngacmim seksual,” ka thënë diva e muzikës teksa ka vijuar më tej me batuta të papërshtatshme, duke iu ofruar seksualisht adoleshentes.
Ndonëse sipas ligjit australian, një veprim i tillë konsiderohet krim, 17-vjeçarja ka thënë se nuk do ta padiste kurrë yllin e muzikës. “Vetëm unë vendos nëse jam e turpëruar apo jo. Pse duhet që njerëzit të mendojnë se jam e turpëruar nga gjoksi apo trupi im?”, ka thënë ajo, duke e cilësuar këtë si një prej momenteve më të bukura të jetës sepse kishte qenë pranë idhullit të saj, e cila gjatë gjithë kohës që ajo ishte në skenë, e kishte quajtur një modele të “Victoria’s Secret”.
Burimi: Daily Mail
