Si një femër e pasur, e bardhë, Madonna vështirë mund të cilësohet si tipi i femrës që përshkruhet si “e shtypur”, por 58-vjeçarja pranon se ajo është ndjerë gjithmonë në këtë mënyrë.
Sepse ajo nuk ka jetuar kurrë një jetë të “zakontë”, njerëzit janë përpjekur gjithmonë që ta shtypin, por sigurisht kjo vetëm e ka bërë atë që të luftojë më fortë.
Këtë muaj, këngëtarja është në koverin e revistës “Harper’s Bazaar”, në të cilën ajo flet për stilin e jetesës së saj jashtë të zakonshmes, turnetë botërore dhe lidhja me meshkuj shumë më të rinj.
“Gjithmonë jam ndjerë e paragjykuar dhe e shtypur. E di që shumë njerëz do të thonë se është qesharake që unë ta them këtë gjë, pasi jam e suksesshme, e pasur dhe e bardhë. Por, gjatë gjithë karrierës jam sulmuar vetëm sepse jam femër dhe për faktin se kam jetuar siç kam dashur. Kam pasur të dashur që kanë qenë 3 dekada më të rinj se unë dhe kjo i bezdis njerëzit. Ndihem sikur çfarëdo që bëj i bezdis njerëzit”, tha mbretëresha e pop-it.
Së fundmi, te të dashurit e saj përfshihet modeli 25-vjeçar Aboubakar Soumahoro. Në 2014-n ajo u lidh me balerinin 29-vjeçar Timor Steffens dhe ka qenë më parë e lidhur me modelin brazilian Jesus Luz, i cili ishte 29 vite më i vogël se ajo, nga viti 2008 deri në 2010-n.
Ish-bashkëshorti i saj i fundit, Guy Richie, është 9 vite më i vogël se ai.
Pyetur lidhur me arsye pse ajo vazhdon të punojë edhe në 50-tat, Madonna tha: “Është e pashpjegueshme, është sikur të marrësh frymë dhe nuk mund ta imagjinoj mos ta bëj atë. Kjo është një nga arsye pse debatoja me ish-bashkëshortin, që më thoshte, “Pse duhet ta bësh këtë sërish? Pse duhet të shkosh në turne? Pse duhet të bësh një film?”. Dhe unë isha, “Pse duhet të shpjegoj veten?”. Ndihem se kjo është një nga gjërat më seksiste që thuhet”.
“A e pyeti njeri Steven Spielberg pse ai ende bën filma? A nuk ka pasur sukses mjaftueshëm? A nuk ka bërë mjaftueshëm para? A nuk ka bërë emër? A iku njeri te Pablo Picasso dhe i tha, “Okej, je 80 vjeç. A nuk ke pikturuar mjaftueshëm? Jo. Jam shumë e lodhur nga kjo pyetje”, sqaron Madonna.
Burimi: Daily Mail
