“Ma reper se ti është Lori”- është kjo fjalia e Capital T në freestyle-n e tij në “Gjoni black” që po bën lëmsh fansat, pasi po komentohet si një “diss” për Mozzik, duke patur parasysh marrëdhënien e këtij të fundit me Loredanën.
Në fakt mes dy artistëve nuk ka patur asnjë mosmarrëveshje, në dijenin tonë, por gjithsesi kjo nuk i ndaloi spekulimet.
Sikundër ju bëmë me dije më herët ditën e sotme, “iconstyle.al” kontaktoi Capital T, i cili zgjodhi mos të na japë përgjigje rreth pyetjes “A është “diss” për Mozzik?”
Ai tha se çfarë ka patur për të thënë e ka thënë në emision, as duke i mohuar e as duke i pohuar zërat. Gjatë intervistës, ai nuk e përmendi Mozzik, sikurse bëri me Ardian Bujupin.
Por, nga kampi tjetër kemi zhvillime të reja.
Mozzik nuk ka reaguar publikisht rreth kësaj dhe po ashtu nuk na dha një prononcim, por dje ka postuar një story, ku shkruante “Hustle baby hustle”, (ngutu vogëlush ngutu), që nga fansat është marrë si kundërpërgjigje për Capital T.
Sakaq, Loredana ka hequr nga lista e personave që ndjek në Instagram Capital T, ndonëse ky i fundit vijon ende ta ndjekë atë.
Ndërsa, Mozzik nuk gjendet më në listën e personave që Capital T ndjek. E normalisht as ai te Mozzik, i cili ndjek vetëm Hanën.
Nuk dimë të themi me siguri se si qëndron e vërteta, pasi për momentin kemi shumë pikëpyetje dhe e gjitha mund të jetë një rastësi, por mbetet për tu parë.
