Sara Hoxha ka qenë së fundmi e ftuar në programin “Goca dhe Gra”, ku ka folur për jetën e saj personale dhe atë profesionale.
Ajo ka folur për mëmësinë ku tha se ajo ka goxha ndihmë, duke nisur që nga mamaja e Ledrit.
Sara tregoi se e ka vuajtur pak pjesën pas lindjes. Gjithashtu, ajo ka treguar se ka folur vetëm me nënën e saj e aspak me shoqet që nuk janë nëna.
“Unë kam shumë ndihmë. Mami i Ledrit është kryesorja. Nuk janë të gjithë në këtë situatë prandaj nuk mund të them bëni sa më shumë fëmijë. Nuk është aq e vështirë. Mua ma kanë bërë më të tmerrshme, nuk do bësh më gjumë, nuk do bësh më këtë, nuk do bësh më atë. Për mua nuk ka qenë ashtu. Kam vuajtur pak me pjesën pas lindjes. Mendoja se isha e informuar, por jo. Pas lindjes unë flisja vetëm me nëna, nuk flisja më me shoqet që nuk janë nëna. Kisha nevoja për dikë që të më thoshte do të kalojë. Është gjëja më e bukur që mund të ndjejë një person. Unë mezi pres të iki në shtëpi ta takoj. Më merr shumë shpejt malli”, theksoi ajo gjatë fjalës së saj për intervistën për “Goca dhe Gra”.
