Justin Bieber po u kërkon fansave të tij që të luten për të pasi paraliza e shkaktuar nga sindroma Ramsay Hunt po ia vështirëson gjithnjë e më shumë aktivitetet e tij të përditshme.
Këngëtari i “Peaches”, 28 vjeç, zbuloi se ka filluar të ketë probleme me të ngrënit dhe u ka kërkuar fansave të tij që të luten që ai të shërohet nga kjo gjendje.
“Është bërë gjithnjë e më e vështirë për të ngrënë, gjë që ka qenë jashtëzakonisht frustruese, ju lutem lutuni për mua”, shkroi ai në Instagram Stories të premten, duke shtuar një emoji me sy të përlotur.
Ai tregoi se po përballet me çrregullimin e rrallë neurologjik- më herët të premten në një video në Instagram.
Në video, ylli u shpjegoi fansave të tij se po vuan nga paraliza e pjesshme e fytyrës.
“Natyrisht, siç mund ta shihni me siguri nga fytyra ime, unë kam këtë sindromë të quajtur sindroma Ramsay Hunt dhe ky çrregullim ka goditur nervin në veshin tim dhe në fytyrën time,” tha ai.
“Unë nuk mund të buzëqesh në këtë anë të fytyrës sime, kjo vrimë e hundës nuk do të lëvizë…”.
Më tej, ai theksoi se këtë periudhë kohe ka nevojë që të pushojë.
“Të dua zemër”, ka shkruar gruaja e Bieber, Hailey, e cila ka shpërndarë videon e tij në Instastory.