Pas ankesave të shumta të abonentëve, kompanitë telefonike ulën me 17.5% tarifat ekzistuese për thirrje.
Pas vendimit, që hyri në fuqi këtë dhjetor, Vodafone, Telekom dhe Albtelekom do të zbatojnë tarifat e reja të vendosura nga AKEP (Autoriteti i Komunikimeve Elektronike dhe Postare).
Tarifa e thirrjeve nga 1.48 lekë për minutë do të bëhet 1.22 lekë dhe një vit më pas do të ulet me 1.11 lekë (tarifat në lekë/minutë janë pa TVSH-në).
Hyrja në fuqi e tarifave të reja të telefonatave nënkupton që, llogaritjet e operatorëve për pagesat e thirrjeve hyrëse dhe dalëse me shumicë drejt një operatori tjetër (p.sh. nga Vodafone te Telekom) për muajin dhjetor do të llogariten sipas këtyre vlerave të ulura dhe pritet të reflektohen në uljen e tarifave përfundimtare që paguajnë abonentët për thirrjet celulare jashtë rrjetit.
