Prej disa muajsh, këngëtarja shqiptare me famë botërore, Dua Lipa, po shijon romancën e re me vëllain e motrave Hadid, Anwar-in.
Dyshja është bërë thujase e pandashme dhe Dua i ka takuar edhe familjarët e të dashurit.
Madje, ajo ka marrëdhënie shumë të mira me motrat e Anwar-it, dy supermodelet Gigi dhe Bella.
Kjo e fundit i ka shprehur Duas simpatinë e saj në një koment të paparë në Instagram, ku këngëtarja shkëlqen me look-un e saj të ri me flokët gjysmë bjond.
“Këto flokë! Ndalo tani!”- i shkruan Bella, shoqëruar me disa zemra, duke lënë të kuptohet se po e pëlqen pafund look-un e Duas.
Këngëtarja ende nuk i ka kthyer kunatës një përgjigje, mirëpo komenti i saj ka tërhequr vëmendjen e mijëra ndjekësve.
