Kryetari i Partisë Demokratike, Lulzim Basha, është zhvendosur së fundmi në një prej komplekseve në periferi të qytetit të Tiranës.
Tashmë, ai po jeton në kompleksin e vilave “Long Hill” së bashku me familjen.
Sipas kërkimeve, një shtëpi në këtë zonë kushton 410 mijë euro, ndërsa qiraja e një muaji kushton rreth 2.4 mijë euro.
Në këtë kompleks vilat janë kryesisht dy katëshe dhe me pishinë, ndërsa në këtë zonë jetojnë diplomatë, bankierë e biznesmenë të njohur.
Në rrjet janë përhapur foto të disa vilave të këtij kompleksi, megjithatë, në një reagim zyrtar Partia Demokratike ka treguar se asnjëra prej vilave nuk është e Bashës.
Sipas njoftimit, Kreu i PD-së është vendosur përkohësisht në këtë zonë, pasi shtëpia e tij është dëmtuar nga tërmeti.
“Ne disa media është shpërndarë një dezinformim i qëllimshëm lidhur me banesën e kryetarit të PD Lulzim Basha. Pas disa dëmeve të shkaktuara nga tërmeti, banesa e zotit Basha do të duhet t’i nënshtrohet disa punimeve të domosdoshme. Për këtë arsye zoti Basha dhe familja e tij janë zhvendosur përkohesisht në një banese me qira, që nuk ka asnjë lidhje me fotot e rreme të shpërndara nga disa portale te kontrolluara nga qeveria. Banesa me qira e familjes se zotit Basha jo vetem nuk ka pishine, por është më e vogël sesa banesa e tij në rindërtim. Gjithçka tjetër është trillim i sponsorizuar nga qeveria”- shkruhet në njoftim.
Burimi: Shqiptarja.com
