Debatet mes Luizit dhe Maestros janë marrë shpesh me shaka dhe të qeshura, duke u konsideruar si një lojë mes tyre për të ‘ndihmuar’ njëri-tjetrin. Por, së fundmi një debat i ashpër ka ndodhur mes tyre, që me sa duket është “më i vërtetë” se të tjerët.
Pak ditë më parë, një debat deri diku komik ndodhi mes Luizit dhe Armaldos, madje shkaktoi shumë të qeshura te banorët. Armaldo u shpreh “i ofenduar” dhe “i kërcënuar” nga Luizi, i cili vijoi me lojën e tij.
Por, së fundmi Luizi ka vënë re një distancim nga ana e Maestros, i cili sipas këngëtarit është pozicionuar pranë Oltës dhe ka kaluar më shumë kohë me të. Armaldo në biseda të ndryshme me Oltën ka shfaqur revoltën e tij ndaj ofendimeve të Luizit, ndërsa në një moment që po bëhet viral ai i thotë Oltës: “Po ma tha edhe një herë do i them atë që i ke thënë ti, pa pushim. “Si u gdhive o filan” do i them, “ke nevojë për ndonjë kshu”. Ndjekësit mendojnë se Maestro i referohet akuzave të Oltës se Luizi është përdorues i lëndëve narkotike.
Nga ana tjetër, Luizi është përballur me Maestron, në një debat të ashpër mes tyre. Madje, në fund të debatit, Armaldo u shpreh se mund të largohet nga shtëpia nesër.
Pjesë nga diskutimi:
Luizi: Unë e kam çuar gropë atë, ti do ta marrësh ta mbash në shpatull. Ti nuk e beson as vetë që je në mes, edhe vetë ke qeshur kur e ke thënë këtë. Kur të zhytesh nga ajo do më kërkosh dhe nuk do t’i hedh as sytë, këtë ta them si shok. Mos fut hundët te punët e mia, u zhytsh edhe ti bashkë me të.
Maestro: Mos i ngatërro marrëdhëniet e tua me të, me marrëdhënien që kam unë. Unë jam në mes, e di ti, e kam thënë unë, këtë rrugë kam zgjedhur.
Luizi: Që kur të erdha zarfi i kuq nise të qeshësh ti me të, se ke frikë mos të nxjerr në nominim me mua dhe veten. Po më humb të gjithë mundin e 50 ditëve. Nga sot e pastaj me mua nuk ke më as një punë tjetër vetëm “mirmëngjesi”.
Maestro: Më akuzon kot “servil”, nuk vras mendjen fare që ka ardhur zarfi i kuq. Unë bëj gati valixhet dhe iki që nesër. Nëse më thua që nuk më ofendon më.
