Luiza Gega nuk u kualifikua në finalen e garës së 3000 metrave me pengesa në lojërat olimpike. Atletja shqiptare e mbylli me kohën 9 minuta, 58 sekonda e 49 të qindtat.
Kjo kohë është rreth 30 sekonda larg rekordit të saj. Gega e përfundoi në vendin e 16 në baterinë e saj dhe e 48-ta në klasifikimin e përgjithshëm.
Problemet fizike duket se ndikuan në paraqitjen e 27-vjeçares. Ajo publikoi dhe një deklaratë prekëse në “Facebook”, ku flet edhe për arsyen përse nuk ia doli mbanë:
Po të shtunën garoi edhe Izmir Smajlaj në kërcim së gjati. Prova e tij më e mirë 7 metra e 72 centimetra në provën më të mirë, ajo e para duke u renditur i 21-ti.
Ky është një rezultat më i dobët se kërcimi më i mirë i Izmir Smajlajt, i cili mban edhe rekordin kombëtar 8 metra e 3 centimetra.
Shqipëria i mbyll kështu lojërat olimpike Rio 2016 ku rezultati më i mirë ishte ai i peshëngritësit Briken Çalja, i cili u rendit i gjashti në peshën deri 69 kilogramë. Shqipëria përfaqësohej me gjashtë sportistë në lojërat olimpike.
