Malala Yousafzai është tashmë e martuar, pothuajse një dekadë pasi u qëllua në kokë nga talebanët për fushatën për të drejtat e vajzave për arsimim.
Fituesja e çmimit Nobel për Paqe, 24 vjeçe, është martuar me partnerin e saj Asser Malik në një ceremoni në shtëpinë e saj në Birmingham. Malala ndau në Twitter fotografi të ëmbla nga dita e dasmës, ku kishte veshur një fustan të bukur rozë Nikah.
Ajo buzëqeshte pranë bashkëshortit të saj të ri, i cili kishte veshur një kostum me kravatë ngjyrë rozë, në fotot e adhurueshme të shkrepura në natyrë.
Asser u emërua vitin e kaluar menaxher i operacioneve të Bordit të Kriketit të Pakistanit (PCB).
“Sot shënon një ditë të çmuar në jetën time. Asser dhe unë u martuam për të qenë partnerë për jetën. Ne festuam një ceremoni të vogël nikkah në shtëpi, në Birmingham me familjet tona. Ju lutemi na dërgoni lutjet tuaja. Ne jemi të emocionuar që do të ecim së bashku për udhëtimin që kemi përpara”, shkruan Malala.
Nuk dihet se kur Malala dhe Asser filluan lidhjen e tyre, por bashkëshorti i saj postoi një mesazh për ditëlindjen e saj në korrik.
“Gëzuar ditëlindjen më të mahnitshmes Malala”, shkruante ai.
Në fillim të këtij viti, babai i Malala, Ziauddin Yousafzai tha se do ta lejonte atë të zgjidhte partnerin e saj. Prindërit e Malalës e përshkruan këtë si një ‘martesë me dashuri e organizuar’.
