Me nisjen e përgatitjeve për fillimin e sezonit të ri televiziv në muajin shtator midis televizioneve shqiptare ka nisur një konkurrencë e hapur dhe shumë gazetarë dhe moderatorë po lëvizin nga njëri ekran tek tjetri.
Pasi mbrëmjen e djeshme një burim zbuloi për “iconstyle.al” se moderatori Adi Krasta kishte nisur bisedimet me televizionin “News 24” ku pritet të ketë një emision të tijin, një moderatore tjetër po përflitet për një lëvizje nga njëri ekran tek tjetri.
Moderatorja e emisionit “Kush vjen për drekë”, Arjola Shehu sipas disa burimeve për gazetën “Express” po përflitet se do lërë televizionin “Tv Klan” dhe do të transferohet në ekranin e “Top Channel”.
Sipas këtij burimi ajo është parë në ambientet e “Top Channel” së bashku me moderatorin Klevi Kadilli. Pas kësaj kanë lindur dyshimet, mirëpo ende asnjë gjë nuk është konfirmuar zyrtarisht.
