Deputetët e opozitës duket se kishin shkuar sot në Kuvend me qëllimin për të hapur “luftë me miell”.
Kreu i qeverisë Rama, zv/kryeministrja Mesi, disa nga ministrat dhe kreu i Kuvendit, Gramoz Ruçi, u zbardhën gjatë seancës së sotme në Parlament nga mielli, pasi u goditën nga disa deputetë të Partisë Demokratike.
Personi që arriti të ruante më shumë qetësisë gjatë situatës së pazakontë ishte Rama, pasi nuk lëvizi aspak nga vendi.
Ruçi dhe ministri i Jashtëm, Ditmir Bushati u larguan nga vendi, për t’u pastruar.
Incidenti nisi pasi kreu i opozitës, Lulzim Basha, kërkoi largimin e Ramës nga salla e Kuvendit, për fjalorin që përdori dy javë më parë.
Pasi bllokuan foltoren, deputetët Noka dhe Klevis Balliu hodhën miell në drejtim të kryeministrit dhe ministrave, ku më pas nisi lufta me ujë. Dy deputetët bashkë me Ervin Salianjin u përjashtuan nga seanca e sotme e Kuvendit.
