Shtetet e Bashkuara të Amerikës i ka dhënë Shqipërisë një fond shtesë prej 346,000 $ për të ndihmuar në luftën kundër pandemisë.
Ambasada amerikane në Tiranë ka njoftuar sot përmes rrjetiti social Facebook, se këto fonde ishin shpallur më parë si pjesë e angazhimit mbi 11 milionë dollarë të qeverisë “Flag of United States” për luftën kundër COVID-19 në mbarë botën.
“Qeveria e SHBA, përmes @USAIDAlbania, ka dhënë një shtesë fondesh prej 346,000 $ për të ndihmuar Shqipërinë në luftën kundër pandemisë. Këto fonde ishin shpallur më parë si pjesë e angazhimit mbi 11 milionë dollarë të qeverisë Flag of United States për luftën kundër #COVID19 në mbarë botën”, shkruhet në njoftimin në Tëitter.
Sipas ambasadës së SHBA në Tiranë, gjatë 20 viteve të fundit, Shtetet e Bashkuara kanë investuar në Shqipëri mbi 51.8 milionë dollarë në fushën e shëndetësisë, dhe mbi 693 milionë dollarë në ndihmë totale.
