Për të shmangur përhapjen e mëtejshme të Covid-19, Australia e ka gati një projekt i cili parashikon të trajtojë pacientët nga shtëpia.
Gjithçka do të kryhet për mes një sistemi monitorësh, ku do të kontrollohen pacientët që nuk do të jenë në kujdes intensiv dhe do të qëndrojnë në shtëpitë e tyre.
Ky projekt do të quhet “spitali virtual”, siç bën të ditur gazeta lokale “The age”.
“Spitali virtual” do të testohet fillimisht në New South Wales dhe në rast se projekti do të ketë sukses, 200 pacientëve të shtruar në spitalin Armidale do t’u kontrollohet frymëmarrja, temperatura, ritmi i zemrës dhe tensioni nëpërmjet monitorëve.
Deri tani, Australia numëron 4,245 raste të prekura me Covid-19, 28 prej të cilëve janë në gjendje kritike për jetën.
Gjithashtu, numri i jetëve të humbura ka shkuar në 18.
