Si duket bashkëjetesa me Covid-19 në vendin tonë po bëhet gjithnjë e më e vështirë e padyshim përgjegjësia më e madhe bie mbi Ministrinë e Shëndetësisë dhe eproren e saj Ogerta Manastirliu, e cila duket të mos ketë patur asnjë strategji në luftën kundër Covid-19.
E në këto kushte kur shtabi i punës anti-Covid-19 nuk po vepron në përputhje me ligjin, Prokuroria e Posaçme Anti-Korrupsion duhet të marrë masa urgjente ndaj korrupsionit që po u bëhet shqiptarëve, që në rastin më të keq po e paguajnë edhe me jetë. Për arsye që nuk të çojnë askund tjetër përveçse tek përfitimi, autoritetet shqiptare nuk po bëjnë asnjë hap për të siguruar shqiptarët dhe shëndetin e tyre në këtë krizë shëndetësore dhe ekonomike.
Oligopol me testet serologjike!
Ndër hapat më të rëndësishëm në luftën kundër pandemisë është testimi i qytetarëve dhe gjurmimi i kontakteve, pikë kjo në të cilën Ministria e Shëndetësisë dhe ISHP kanë dështuar me sukses. Domosdoshmëria e vëllimit të lartë të testimeve është theksuar disa herë në mënyrë të veçantë nga Organizata Botërore e Shëndetësisë (OBSH), që u ka bërë thirrje të gjithë shteteve të bënin sa më shumë teste të ishte e mundur.
E kur po prisnim që Ministria e Shëndetësisë dhe ISHP të rrisnin numrin e testimeve, e kundërta ndodhi. Qeveria zgjodhi që këtë shërbim në vend që ta ofronte falas sikundër e parashikon ligji shqiptar (Lexo këtu), ta kalonte në struktura private. Mirëpo, nga një vëzhgim i kryer nga “Iconstyle.al” rezulton se shumë prej laboratorëve që e ofrojnë këtë shërbim kanë të njëjtin çmim, 4000 lekë të reja.
Vendosja e njëkohshme nga këto laboratore e çmimeve për kryerjen e testit serologjik, ngre dyshime për shkelje të kushteve të konkurrencës dhe marrëveshje të ndaluara në treg, siç janë të ashtuquajturat “Kartele”. (KLIKO)
Pavarësisht thirrjeve tona, Autoriteti i Konkurrencës nuk ka ndërmarrë asnjë masë për të ndaluar rritjen e njëkohshme në grup të çmimeve të testeve serologjike, teksa as Ministria e Shëndetësisë nuk është kujtuar të rregullonte këtë problematikë kaq të thekshme në këtë kohë pandemie.
Të pasurit kurohen në Turqi, të varfërit vdesin në Shqipëri! Pajisjet që shpëtojnë jetë nuk ndodhen në spitalet tona as pas 5 muajsh pandemie!
Përvoja e deritanishme ka treguar se respiratorët dhe aspiratorët nuk mjaftojnë. Dhe për të arritur në këtë përfundim, mjaft të kujtojmë dhjetra emra që kanë lënë vendin tonë për tu kuruar në Turqi: Vilma Nushi, Enver Roshi, Shefqet Kastrati, etij (KLIKO). Shkaku: Pikërisht mungesa e infrastrukturës së nevojshme për të kuruar pacientët në vendin tonë.
Çfarë i mungon sistemit shëndetësor shqiptar që fatlumët e gjejnë në Turqi, ndërsa shqiptarët e thjeshtë e paguajnë me jetë?
Sipas asaj që kanë deklaruar disa nga mjekët më të njohur të vendit tonë bëhet fjalë për një pajisje, që quhet ECMO, një pajisje e kujdesit intensiv, shumë e vlefshme për të shpëtuar jetët e pacientëve të intubuar. Kjo pajisje kushton rreth 60-70 mijë euro dhe konsiderohet si pajisja e fundit e “mrekullive” në mjekësinë moderne. (KLIKO)
Me një llogari të thjeshtë, për 10 pajisje ECMO që i duhen vendit tonë sipas ekspertëve, me nga 70 mijë euro(referuar deklaratës së Edvin Priftit) do duheshin 700 mijë euro. Nëse iu duket një shifër e madhe, iu kujtojmë se gjatë periudhës së epidemisë, “Farma Net Albania” ka përfituar nga institucionet shtetërore, rreth 3.5 milion euro tendera kryesisht për blerje maskash, ku të gjithë janë zhvilluar me negocim dhe pa garë.
Disa ditë më parë sollëm në vëmendje se si shqiptarët po paguajnë më shumë se kushdo në rajon për kryerjen e analizave serologjike dhe tamponit. (KLIKO)
Aparatura që po shihni në foto është prodhim i firmës zviceriane “Roche”, e quajtur “Cobas 6800”, e cila kryen tamponin. Nga një komunikim i “iconstyle.al” me përfaqësuesin e kësaj firme në Shqipëri, disa javë më parë na u bë me dije se kjo aparaturë kushton 320 mijë euro dhe kryen 384 teste në orë, që përkthehen në 9,240 teste në ditë.
Kjo do të thotë se një laborator në vendin tonë me çmimin 95 euro të tamponit arkëton 877,800 euro në ditë dhe për 30 ditë 26, 334,000 euro. Pra, përfiton shifra marramendëse, kur kostot duken të papërfillshme. (KLIKO)
Babëzi edhe në kohë pandemie! Fitues të paracaktuar dhe masa për Covid-19 deri në 2021, çudia me tenderat gjatë këtyre muajve!
Epidemia që solli me vete vdekje e varfëri për njerëzit, nga ana tjetër duket të jetë një periudhë shumë e mirë për qeverinë shqiptare dhe shumë qeveria të tjera në botë, si për shembull në Britani të Madhe (KLIKO) për të vijuar korrupsionin dhe zhvatjen e qytetarëve.
Një nga karakteristikat e menaxhimit të Covid-19 në vendin tonë është TENDERIMI. Nga marsi e deri tani janë raportuar dhjetëra raste abuzive, kryesisht nga Ministria e Shëndetësisë, që nuk e ka ndalur fare dorën këto muaj, teksa prapaskenat e tenderave të kryera dalin si kërpudhat pas shiut. (KLIKO)
Duke qenë se të gjitha veprimet apo mosveprimet e sipërpërmendura janë me pasoja fatale në jetën e qytetarëve, ministrja në fjalë duhet të mbajë përgjegjësi ligjore, ndonëse mundësitë që kjo të ndodhë janë tejet të vogla. Rikujtojmë se një sërë çështjesh që implikojnë Ministrinë e Shëndetësisë janë në dosjet e SPAK, që deri tani nuk ka ndërmarrë asnjë veprim!
