Luana Vjollca pas mbylljes me sukses të emisionit “Shiko kush Luan”, po kalon një periudhë pushimesh.
Pushimet e saj luksoze në Sant Moritz, në Zvicër së bashku me Marinën dhe Getoarin u komentuan gjerësisht edhe për faktin se së bashku me ta mund të ishte edhe i dashuri i saj, Krenar Çocaj.
Por me sa duket pushimet për Luanën nuk kanë përfunduar. E me kë mund të kalosh pushimet më të bukura, më mirë se sa me motrat.
Moderatorja simpatike ka postuar në “Instagram” një foto ku shfaqet së bashku me dy motrat e saj, Marinën dhe Lirën. Vajzat shfaqen të qeshura dhe të veshura plot stil.
“Kopertina e Mars 2018”, shkruan Luana në përshkrimin e fotos.
Fansat ngelën të mahnitur nga kjo foto dhe i kanë cilësuar ato të tria si mbretëresha. Është aq e bukur pamja që përcjell kjo foto saqë e meriton të quhet kopertina e muajit mars.
