Kur ishte vetëm 11-muajshe i ati i Luana Vjollcës, humbi jetën dhe moderatorja shqiptare e ka njohur vetëm nëpërmjet fotove. Nëna e saj Maria, rriti e vetme katër vajzat, ndaj Luana nuk gjen fjalë për ta përshkruar adhurimin që ndjen për të, në çdo intervistë.
Në ditën e lindjes së Luana Vjollcës, e ëma ka zgjedhur t’i dedikojë në “Instagram”, disa fjalë të ëmbla ku rrëfen të gjithë krenarinë që ndjen për të voglën e saj. Në 27-vjetorin e lindjes,Maria Vjollca tregon se e bija është shumë këmbëngulëse dhe po realizon të gjitha ëndrrat.
“Lumturia ime, e vogla ime, paç edhe 100 vite të bukura! Tu realizofshin të gjitha dëshirat tuaja, ti di si të kërkosh e këmbëngulësh! Nuk lë “syndyk e sirtar”, i nxorre “ëndrrat” e po vazhdon ëndrrën tëndë të madhe të shpirtit! Dashuria ime, e vogla ime, falenderoj Zotin që më zgjodhi të marr kaq shumë dashuri e lumturi” – shkruan krahas fotos nëna e saj.
Pas këtij dedikimi emocionues, Luana Vjollca i është përgjigjur plot dashuri.
“Ma, të dua! Gjithçka që e bëj, e bëj edhe për ty!” – shkruan moderatorja.
