Puntata e fundit e programit “Shiko kush Luan” u transmetua të shtunën e kaluar. Ishte ky emisioni i parë në të cilën e pamë Luana Vjollcën si bashkautore.
Në një shkrim në “Instagram”, Luana rrëfen se punoi 24 orë në 24, që ky program të kishte sukses dhe sipas saj ia doli!
“Shiko kush Luan ishte. Një nga provat më të mëdha që kam marrë përsipër pa e ditur ku do më çonte. Për herë të parë me përgjegjësi totale dhe në rolin e autores aq sa shpesh dilja pa e parë skenarin sepse prezantimi padashur kishte kaluar në plan të dytë. Mund të them se ka qenë emisioni më i vështirë që kam bërë. 6 të ftuar të njohur, 17 rubrika, 11 lojëra, 6 sfida nga një episod në tjetrin”, shkruan ndër të tjera Luana.
