Moderatorja Luana Vjollca prej kohësh është përfolur se është në një lidhje dashurie me biznesmenin nga Kosova, Krenar Çoçaj, megjithëse asnjëri prej tyre nuk e ka pranuar publikisht këtë gjë. Luana është shprehur gjithmonë se nuk do të flasë për jetën private sepse ajo i përket vetëm asaj.
Pavarësisht se janë munduar ta mbajnë të fshehtë lidhjen e tyre, jo të pakta kanë qenë rastet kur ata janë kapur mat nga paparacët. Mirëpo me sa duket ata tashmë kanë filluar të mos fshihen më dhe mbrëmjen e djeshme kanë shkëmbyer edhe komente më njëri-tjetrin në Instagram.
Në një video të postuar nga Luana në Instagram ka komentuar edhe Krenari, duke iu dhënë fund edhe zërave që kanë qarkulluar së fundmi se lidhja e tyre është në krizë.
“Ulqini a jeni gati sonte? Zjarr!”, ka shkruar Luana krahas videos ku shfaqej ajo.
Kaq ka mjaftuar dhe i dashuri i saj ka bërë një koment me nota humori që ka rrëmbyer vëmendjen e të gjithëve.
“Dikush të thërrasë zjarrfikësen”, komenton Krenari.
“Haha thirri ti”, ja ka kthyer Luana duke qeshur me lot.
