Ish-kapiteni i Kombëtares Shqiptare, Lorik Cana, do të bëhet baba për herë të dytë.
Bashkëshortja e tij, Monica, është në pritje të ëmbël të një vogëlusheje dhe vetëm pak minuta më parë ka zbuluar gjininë e bebushit që po pret!
Ajo zbuloi pak ditë më parë se është në pritje të ëmbël kur publikoi një foto me Lorikun duke i përkëdhelur barkun e rrumbullakosur.
Çifti kishte pozuar para pasqyrës, teksa Loriku i kishte rrethuar partneres barkun me të dyja duart e tij.
Në muajin tetor të vitit që lamë pas, Lorik Cana u shpreh në një intervistë për “Wake Up” se ai dhe bashkëshortja e kishin menduar edhe emrin e fëmijës së dytë, që para se Monica të ishte shtatzënë.
Sipas ish-kapitenit, nëse fëmija i dytë do të ishte vajzë, do ta quanin Enkelejda, pasi i pëlqejnë shumë emrat ilirë.
Pas vogëlushit Bojken, familja do të zgjerohet me një vajzë tashmë dhe ky lajm e ka gëzuar shumë Lorikun.
