Kur është e shkruar për ty, do të kthehet tek ti! Kështu ka ndodhur edhe me historinë e dashurisë së futbollistit Lorik Cana dhe partneres së tij italiane, Monica.
Në dokumentarin “Lorik” kushtuar kapitenit legjendar, partnerja tregon prapaskenat e marrëdhënies që askush s’i dinte deri më tani. Monica ka zbuluar se Loriku e ka lënë atë vetëm tre muaj pas njohjes, pasi dëshironte një grua shqiptare! Po po, siç e lexuat!
Kjo sigurisht s’e kishte bërë të ndihej mirë Monica-n. Mirëpo, fati kishte të tjera plane për ta, përfshirë dhe dy fëmijë së bashku.
“Shkoj me disa shoqe të miat në restorant. Aty ishte një tryezë e madhe dhe unë ulem përballë. Aty ishte edhe Loriku dhe shpesh shkëmbenim shikime dhe buzëqeshje. Në fund vjen kamarierja për të sjell faturën dhe më sjell edhe një letër me numrin e telefonit dhe me emrin. Kur shkoj në shtëpi i shkruaj: ‘Ka ikur koha e letrave. Duhet të ishe ngritur nga tryeza dhe të më flisje’. Ai nuk më tregoi se ishte futbollist, më tha se do të largohej për një javë për arsye të punës dhe do të më shkruante kur të kthehej. Ai ishte në grumbullim me Kombëtaren.
Kemi dalë pasi është kthyer dhe pas tre muajsh më la. Më la sepse e donte gruan shqiptare. Normalisht që u ndjeva keq sepse më la thjesht për faktin që isha italiane dhe se isha dikush thjesht për ta kaluar kohën. I thashë: ‘Në rregull, paç fat’. Disa kohë më vonë ndodhesha në një servis dhe e dëgjoj një zhurmë makine. Ishte makina e tij. E pyes nëse e kishte gjetur gruan dhe më thotë jo. I them se mund të dilnim për darkë dhe kështu u lidhëm sërish për të mos u ndarë më”.- ka treguar ajo.
