Nuk është habi që shpesh personazhet e njohur publikë të kenë lidhje gjaku mes tyre. Kështu duket se është edhe rasti i reperit Ledri Vula dhe ish-kapitenit, Lorik Cana.
I ftuar në emisionin ‘SevenBizz’, ish-futbollisti zbuloi se ka lidhje familjare me reperin, pas pyetjes se cilin do të zgjidhte mes Ledri Vulës dhe Unikktalit.
Cana tha se me Ledrin është kushëri, duke qenë se nëna e Lorikut është nga fisi Vula dhe kjo sqaron pse të dy djemtë janë kaq tërheqës.
“Nëna ime me babanë e Ledrit janë kushërinj të dytë”, tregoi Loriku.
Ai shtoi se e vlerëson shumë Ledrin si këngëtar, sepse ka një stil të veçantë dhe këngët e tij janë mjaft të dëgjuara. Nga ana tjetër ai shprehu edhe vlerësimin për muzikën që bën Unikkatili.
