Ish-kapiteni i Kombëtares shqiptare ka kaluar momente të dhimbshme pasi gjyshi i tij është ndarë nga jeta këtë të enjte.
Gani Vula është ndarë nga jeta ditën e enjte, në moshën 85-vjeçare, pas një beteje të gjatë me një sëmundje të rëndë.
Largimi nga jeta i Gani Vulës nuk ka pikëlluar vetëm Lorikun dhe familjarët e tij, por edhe qytetarët e Kosovës për të gjitha kontributet që i ndjeri ka dhënë për shtetin kosovar.
Gani Vula ka qenë edhe nënshkrues i Deklaratës Kushtetuese për Pavarësinë e Kosovës më 2 korrik 1990 dhe pjesëmarrës në aprovimin e Kushtetutës së Kosovës në Kuvendin e Kaçanikut.
