Pellushët dhe trikot e gjata janë rikthyer fuqishëm në fushën e modës për këtë sezon, vjeshtë-dimër 2017. Këtë e demonstron më së miri blogerja e njohur Lori Hoxha, e cila kujdeset gjithmonë që të jetë në “Top” për sa i përket modës.
Në një seri fotografish të postuara në profilin e saj në “Instagram”, Lori shfaqet me një kombinim perfekt për stinën.
Blogerja shfaqet e veshur me një peliçe ngjyrë rozë e kombinuar me një palë xhinse të grisura dhe këpucë me taka të larta, shoqëruar si aksesor me çantën “J’Adior” dhe syzet metal në formë zemre.
Ndërsa në të tjera fotografi, Lori na sjell sezonin e vjeshtës, sërish me xhinset e grisura, që moda nuk u ikën kurrë, por këtë vit me bel të lartë dhe një triko të madhe.
